THE GOOD OLE JAMAICAN DAYS MEMBA WHEN (Remember When?) Part 2

1.            Memba when yu and yu fren dem decide seh unu a go run a boat, the biggest cart wheel dumplin yu eva si!

2.            Memba when coming fram school ina di rain and yu tek off yu shoes and walk barefoot all the way home a race board horse inna di gutter water

3.            Memba when dem use fi gi weh free milk powder and bulga rice a school, an' yu play milk powder war all the way home

4.            Memba when dem good rice and peas and chicken Sunday dinna with a nice refreshing glass ah carrot juice

5.            Memba when yu 'ave roast breadfruit and ackee and salt fish breakfast jus' barely a day afta yu Saturday Peas soup wid cho-cho, turnip, carrot an' punkin

6.            Memba when teacha beat yu because yu neva do yu homework

7.            Memba marning time when yu reach a school jus in time fi devotion and yu betta mek sure yu ave yu hym book and yu bible, yu pleat dem betta in order and yu khaki well starch

8.            Memba dem good ole starch uniform ( coudda stan up by demself ) and yu nice shine brown or black shoes

9.            Memba when yu madda use fi seh "Go pick a switch mek a beat yu"